Sau på museum?

Svaret er heilt klart ja! I MUHO sine avdelingar er sau og ull viktige tema.

Både på Lyngheisenteret og Havrå gjer saueflokken eit viktig arbeid med å ta vare på kulturlandskapet. Dei er ein viktig del av formidlinga om korleis dyra tradisjonelt har vore og framleis vert nytta til beiting, mat- og klesproduksjon.

Ullkleda og utstyr til karding og spinning var viktig og naudsynt innhald i Amerikakoffertane du kan sjå både på Vestnorsk utvandringssenter og Osterøy museum. På Osterøy kan du og læra meir om korleis ull er nytta i tradisjonell klesproduksjon.

På tekstilfabrikken i Salhus gav den industrielle produksjonen av ull- (og bomulls)klede arbeidsplassar og livsgrunnlag for generasjonar. Kanskje du blir med sauen Bændik på omvisning i dei gamle fabrikklokala?

I nettbutikken vår har me både får-midable og  bææ-rekraftige varer; alt frå villsauskinn og villsaugarn frå Lygra og spælsauskinn frå Osterøy til sitteunderlag i ull frå Vestnorsk utvandringssenter.

Vil du strikke i ull, har me flotte strikkepakkar som museumstvinnlua eller Oline-puten i pelsull frå Tekstilindustrimuseet. Du treng ikkje strikke sjølv, kva med eit ullskjerf strikka på ei strikkemaskin frå 1930?

Og du? Om du ønsker deg ein heilt eigen Bændik har me det og..