Artsrike kulturmarker er dei viktigaste leveområda for pollinatorane våre. For å oppretthalde det biologiske mangfaldet for framtida er det viktig å ta vare på slike enger og blomsterrike arealar og kantar.
I Frøboka blir du kjend med dei gamle kulturmarkane, og du får råd og inspirasjon til korleis du kan samle inn frø av ville markblomster frå vegkanten eller artsrike kulturmarker der du bur. Frøa kan nyttast til å etablere små blomsterenger.
Her får du forslag til markblomster som høyrer heime i norske blomsterenger, og lærer meir om korleis dei er oppbygde, kortid dei blømer, setter frø og kva insekt som pollinerer dei. Boka er flott illustrert og har detaljerte bilete av plantane i ulike utviklingsstadier.
Frøboka er utarbeida av Norsk institutt for bioøkonomi, NIBIO, og redigert av Ellen J.Svalheim.