I denne boka kan du lese om kipebinding- eit handverk og ein del av kulturen som har stått særleg sterkt på Vestlandet i fleire hundre år. Her er ei innføring i det praktiske arbeidet med å lage ei kipe på den tradisjonsbundne måten, men boka er og meint å auke kunnskapen om kipa, både i dagleglivet og i kulturhistoria.
Skrive av Knut Andreas Skogstad, utgjeven av Askøy Husflidlag
Ei kipe er ei fletta korg som heilt ut på 1900-talet vart brukt som eit hjelpemiddel for å kunne bære tunge bør på ryggen. I dei bratte Vestlandsliene var det til god hjelp at den kunne hengjast på hesteryggen. Tradisjonelt vart den brukt til å frakte høy, potet, ved, gjødsel og fisk. Vil du lesa meir om kipa, anbefaler me denne artikkelen frå Osterøy museum.
